طبعا على طول بنندهش من قدرة الاطفال الغير محدودة فى انهم يحطوا نفسهم فى مشاكل وكل الاغراض العادية فى بيتنا الى كنا فاكرين انها استحالة تعور حد واذا فى لمحة بصر تخليك تدرك انها بتشكل خطر على طفلك
عشان كدة مع قدوم اول طفل بتبدأ المهمة الصعبة فى تأمين المنزل
فأحنا هنساعدك بأفكار تخليك تأمن بيها بيتك حفاظاَ على طفلك .
1- طبعا اكتر حاجة بنواجة فيها مشكلة هى سقوط الاطفال وعشان كدة لما اطفالنا يبداو بالزحف لازم ناخد بالنا جدا جدا من اننا نسيب اى اغراض او لعبهم فى الارض او على السلم.
عشان متبقاش سبب يوقعهم او اى حد يقع منهم. وكمان لازم على طول تعملى صيانة للسلم ولاى حاجة عندك حتى لو انتى شايفة انها سليمة حفاظا على الاطفال.
كمان حطى سجاد على السلم وممكن تحطى تحت السجاد قطع تمنع انزلاقه لو ملهوش ظهر اصلا مانع للانزلاق .
وممكن كمان نعمل باب صغير على اول السلم الاطفال الصغيرين ميعرفوش يخرجو منه .
2- من المشاكل كمان الى بنخاف منها جدا هى الكهرباء وطبعا اطفالنا الحلويييين بيسيبو كل حاجة ويجو يلعبو فى فيش الكهرباء
عشان نمنع كدة ممكن تجيبى اى غطاء او لزق وتقفلى الفيش بتاعت الكهرباء وكمان ممكن تجيبى غطاء مناديل الوايبس وتلزقى على الفيش .
3- عشان نوقف الدمار الشامل بتاع اطفالنا للتلاجة والبوتجاز واى حاجة بتتفتح
اشترى قافل الباب من اقرب محل جمبك وحطى منه على كل الاماكن دى وكمان متنسيش اى باب عندك فى الشقة زى باب غرفة النوم وغرفة الاطفال عشان ميعورش صوابعه الصغننه.
4- طبعا لازم نبعد خالص عن الستائر الى فيها حبال ولو عندك يبقى لازم ترفعيها او تربطيها بحيث ان الطفل ميعرفش يشدها.
وابعدى اى اثاث ممكن يتسلقه ويكون قريب من النافذة .
5- لو عندك مساحة كبيرة من الزجاج فى الشقة زى الابواب الى بتبقى كلها زجاج مثلا حطى عليها ورق او لزق ملون عشان تبان لطفلك وميتخبطش فيها.
طبعا اهم حاجة من كل النصائح الى قولنا عليها هى مراقبتك انتى لطفلك وياريت لو مش متاكدة ان طفلك آمن وانتى بتعملى اى حاجة زى فتح الباب او ترويق غرفة او رد على التليفون يبقى خدى طفلك فى ايدك وانتى رايحة عشان نضمن ان اطفالنا فى آمان على طول.
عشان كدة مع قدوم اول طفل بتبدأ المهمة الصعبة فى تأمين المنزل
فأحنا هنساعدك بأفكار تخليك تأمن بيها بيتك حفاظاَ على طفلك .
1- طبعا اكتر حاجة بنواجة فيها مشكلة هى سقوط الاطفال وعشان كدة لما اطفالنا يبداو بالزحف لازم ناخد بالنا جدا جدا من اننا نسيب اى اغراض او لعبهم فى الارض او على السلم.
عشان متبقاش سبب يوقعهم او اى حد يقع منهم. وكمان لازم على طول تعملى صيانة للسلم ولاى حاجة عندك حتى لو انتى شايفة انها سليمة حفاظا على الاطفال.
كمان حطى سجاد على السلم وممكن تحطى تحت السجاد قطع تمنع انزلاقه لو ملهوش ظهر اصلا مانع للانزلاق .
وممكن كمان نعمل باب صغير على اول السلم الاطفال الصغيرين ميعرفوش يخرجو منه .
2- من المشاكل كمان الى بنخاف منها جدا هى الكهرباء وطبعا اطفالنا الحلويييين بيسيبو كل حاجة ويجو يلعبو فى فيش الكهرباء
عشان نمنع كدة ممكن تجيبى اى غطاء او لزق وتقفلى الفيش بتاعت الكهرباء وكمان ممكن تجيبى غطاء مناديل الوايبس وتلزقى على الفيش .
3- عشان نوقف الدمار الشامل بتاع اطفالنا للتلاجة والبوتجاز واى حاجة بتتفتح
اشترى قافل الباب من اقرب محل جمبك وحطى منه على كل الاماكن دى وكمان متنسيش اى باب عندك فى الشقة زى باب غرفة النوم وغرفة الاطفال عشان ميعورش صوابعه الصغننه.
4- طبعا لازم نبعد خالص عن الستائر الى فيها حبال ولو عندك يبقى لازم ترفعيها او تربطيها بحيث ان الطفل ميعرفش يشدها.
وابعدى اى اثاث ممكن يتسلقه ويكون قريب من النافذة .
5- لو عندك مساحة كبيرة من الزجاج فى الشقة زى الابواب الى بتبقى كلها زجاج مثلا حطى عليها ورق او لزق ملون عشان تبان لطفلك وميتخبطش فيها.
طبعا اهم حاجة من كل النصائح الى قولنا عليها هى مراقبتك انتى لطفلك وياريت لو مش متاكدة ان طفلك آمن وانتى بتعملى اى حاجة زى فتح الباب او ترويق غرفة او رد على التليفون يبقى خدى طفلك فى ايدك وانتى رايحة عشان نضمن ان اطفالنا فى آمان على طول.