السلام عليكم ورحمةالله وبركاته
ازيكم ياقمرات ويارب يجعل ايامكم كلها سعاده
بصوا بقى انا جيبالكم النهارده طريقة لانشون بيتى بس لانشون من غير اى فتفوتة لحمه
نبطل رغى بقى واقولكم على الخلاصه
اولا المقادير
3 قطع جبنه مثلثات [I]3 ملاعق دقيق_3 فصوص ثوم_3 بيضات _ملعقة نشا[/I]ورق لورا متكتريش منه
وحبهان ان وجد و2/1 كوباية زيت[I]وملح وفلفل _ولون احمر صحى ولو مفيش ممكن قطعة بنجر صغيره[/I]ومكعب مرقة دجاج
نيجى بقى للطريقه
هنجيب المكونات دى كلها ونضربها فى الخلاط
وبعدين هيكون عندنا علبه على شكل اسطوانه ممكن تكون علبة السمن الفاضيه الى هى الكيلو وندهنها كله زيت ونحط فيها الخليط
و نجيب حله كبيره نملاها ميه بس شويه مش كتير عشان لما تغلى الميه اللى جوه الحله متوقعش العلبه
رابعا نحط العلبه جوه الحله الى فيها ميه مش كتير ونشغل عليها النار واول ما تغلى نوطى على الناريعنى تكون على نار هاديه وبكده تكونى بتسويها فى حمام ميه وطبعا نغطى الحله عشان تستوى بسرعه وسيبها على النار من ساعه الا ربع لساعه
على فكره هى على النار هتنفش وبعد مطلعيها هتهبط تانى فده عادى
وكمان انتى ممكن تحطى فيه زتون زى بتاع بره زى ما تحبى
والله بجد جربته بعد ما قريته على احد الموواقع وطلع حلو
جربوا وادعولى
