![نظافة البوتجاز](https://upload.3dlat.com/uploads/13092172281.jpeg)
مين زيي بتكره تدخل المطبخ لما يكون البوتجاز مش نضيف اكيد فية كتير و كتير كمان بيكرهوا تنظيف البوتجاز اصلا و بيكرهو المطبخ ( زيي بالظبط) لو زوجي سال مين اللي بتتكلم دي مش انا ok
صراحة عندي شوية نصائح ممكن نستفيد منها جميعا
1- عند تنظيف البوتاجاز من الافضل و ضع كمية من الماء الساخن والخل ونقطة جاز او كلوروكس على سطح البوتاجاز قبل ازالة الدهون لان هذة الخلطة تعمل على اذابتها
3- بيترسب بعض الدهون في الحواف الجانبية للبوتاجاز ممكن ازالتها بحرف سكينة النقاشين اذا لم يكن باستطاعتك فتح الوش الخارجي
4- عيون البوتاجاز يتم تنظيفها بغليها على النار في قدر فية ماء و اريال و خل لمدة 15دقيقة وهتشوفي النظافة رجعت زي ما انت شرياها
5- ممكن نعمل كدة مع استندات العيون بس ما تتغلى على النار لانها بتكون من خامة سهلة الكسر بس بننقعها في ماء دافئ و خل واريال لمدة ساعة و شوفوا النظافة
6- عاوزة اقول حاجة مهمة نقع العيون و الستندات يا ريت ما تتعمل كل مرة تغسلي فيها بوتاجازك لحسن كدة هتجيبي اجلها بدري و تدعي عليا بدل ما تتدعيلي كفاية مرة واحدة في الشهر او كل شهرين مرة
7-فى ناس بتعمل اوشاش لمفاتيح العيون بس صراحة انا ما جربتهاش بس اعتقد انها هتكون جميلة وخاصة لو الوانها متوافقة مع الوان المطبخ و ستحمي من السخونة اللي ممكن تاذى يدك ومعرفش اصلا بتتعمل ازاى يا ريت اللى تعرف حاجه عن كده تقولنا
![نوونه](smilies/4/000.gif)
![نوونه](smilies/4/000.gif)