كيك الشاتوه احلي واسرع تورتة يا عدولات
كيك الشاتوه من مطبخي
تورتة الشاتوه
صباحكم مساكم فل يا عدولاتي
جايبالكم النهارده اسهل تورتة في الدنيا كيك الشاتوه اسهل واجمل من اي تورتة
يالا نشوف المقادير والطريقة مع بعض
فيه مقادير كتيرة للشاتوه
بس مقاديرى متجربة وتحفة ومتلخبطش
1 كوب دقيق
1 كوب سكر
1 كوب لبن
1 كوب زيت
ملعقة بيكنج باودر
3 ملاعق كبيرة كاكاو خام
3 بيضات
فانيليا
نضع اللبن والسكر والكاكاو في الخلاط ونبدأ نضرب
وبعدين ننزل بالزيت بالتدريج سرسوب رفيع والخلاط شغال
حنلاقيه بدأ يتقل وبقي صوص شيكولاتة خام
ناخد منه مقدار كوب ونضعه في الثلاجة
والباقي وهو في الخلاط نضيف عليه البيض والفانيليا ونضرب تاني لحد ما يختلطوا تماماً
ثم نأتي بالدقيق المنخول ونضيف اليه المقدار اللي عندى بالبيض
ونخلطه كويس ونضعه في صينية مدهونة سمنه
وفي الفرن الساخن لمدة 20 دقيقة تقريباً
وده شكله لما طلع
نضعه في طبق التقديم ونضيف اليه الصوص اللي في الثلاجة
ونفرده كويس ونجمله بجوز الهند او زى ما انت عايزة
وبألف هنا وشفا
اسمحولي اضيف صورتين كمان لكيك الشاتوه من عمايلي
مرة الصينية علي شكل وردة
ومرة علي شكل قلب
عملوا شغل كبير
