تعددت واختلفت الطرق والعصيدة واحدة وهذي طريقتي في عصيدة التمر
ومكوناتها الأساسية ( تمرمخلوط مع الماء وطحين وكمية التمر تكون أكثر من الطحين )
والصور لمقدار كبير شوية ...
هنا كمية التمر كبيرة والماء تقريباً لتر ونوع التمر( تمر تنك من حق بيشة )
والمقادير والطريقة معاً :
كيس صغير تمر منزوع النوى أخلطه في الخلاط مع 1ك من الماء حتى ينعم
أضع الخليط في قدر على النار وأحرك وأبدأ باضافة الطحين بالتدريج واحرك بالشبك عشان مايصير فيها كلاكيع
مع الاستمرار في التحريك بين فترة وفترة لحد مايثقل الخليط والصور توضح
وأترك العصيده على النار حتى تستوي أخذت من 25الى 30 دقيقة على نار هاديه
مع وضع قطعة معدنية تحت القدر عشان ماتشيط العصيده
وبعد ماتجهز نوزع العصيده في صحون التقديم
نضع على الوجه السمن ويرش بالفلفل الأسود والقرفه
هنا حطيت لي في كوب وهذي لقمة عشان تشوفون قوامها
طبعاً كاتبة المقادير بكمية قليلة والصور لكمية كبيرة
وأتمنى تعجبكم وبالعااااااافية
