انهارده جبتلكم أكله جميله من مطبخي
طبعا معظم الستات اما بيجو يقلو الكاليماري او السبيط بيقلوه بالدقيق او في العجينه
وبتبقي العجينه في ناحيه والسبيط في ناحيه
انا بقي جبتلكم وصفه المطاعم وبصراحه تعبت عقبال ما وصلتلها وده بمجهودي الخاص ومش منقول
بصو ياعدولات
المقادير
1ك كاليماري أنا جبتها قطعه واحده
والراجل نظفها ليا
حطيته في ملح ولمون وكمون
محتاجين 2 بيضه بس كفايه عشان مايبقاش فيه ريحه زفاره
وكوب دقيق
ونص كوب ميا
وملح وفلفل وكمون
السر بتاع المطعم بقي
التوم والبصل البودر ومرق الدجاج الفاين فودز البودره
معلقه صغيره جدا من كل حاجه مش معلقه الشاي لألألألألألأ فيه
معلقه أصغر ونصيحه مني هاتي التوم والبصل البودر مش السايب لأ اللي في علب زي ده
ريحته وطعمه مش بيروحو
الطريقه
أضرب البيض وأضيف الميا والدقيق والبهارات بس الدقيق واحده واحده
وكيس الفاين فودز البودر
العجينه شكلها كده أحط السبيط في الدقيق ألأول وبعدين العجينه وأحمره في الزيت السخن
ومانخليش العجينه رقيقه قوي ولا تقيله قوي
نقدمه مع الخس والسلطه والرز ألأبيض
بالهنا والشفا
