صباحكم / مساكم فل يا عدولاتي
يالا القمرات المبتدئات نشوف طريقة عمل الدجاج
الاول لازم نعرف ان المطبخ ده حاجة سهلة جداً وبسيطة دايما يقولوا النفس في الاكل عارفين يعني ايه لو انت متضايقة او مشغولة الاكل حيكون مش كويس انا دايما اقول ان الاكل لازم يتعمل بمزاج ونفس .
فرخة بلدى وسط
2 بصلة متوسطة
ملح / فلفل / حبهان / مستكة / ورق لورا / بهار حلو
ميه
شعرية او لسان عصفور
اول حاجة غسيل الفراخ وتنظيفها ودى مهمة جداً علشان ميبقاش فيها اى زفارة
فيه بيقولك ادعكيها بملح وفيه بيقول دقيق كل ده حلو
بس عن تجربة احسن حاجة تضيع رائحة الزفارة البصل والليمون
تجيبي الفرخة من الفرارجى هو منضفها آه بس لازم تعيدى عليها و تغسليها كويس من بره وجوه بالملح وبعدين
تجيبي بصلة كبيرة وتخرطيها وتدعكي بها الفراخ من بره وجوه وتعصرى عليها لمونتين تلاتة وحطي جواها القشر والبصل وسيبيها حوالي ساعة وممكن تعمليها بالليل وتطبخيها الصبح المهم حتلاقي ريحة الفراخ زى الفل
الطهي
ثم ملعقة سمن ونحمر فيها المستكة والحبهان
وبعدين ننزل بالميه والبهارات والفلفل
تاخد غلوه نحط الفراخ بعد ما نكون شطفناها من البصل
ونضيف بصلتين متوسطين ونسيبها تستوى
ونبص عليها كل شوية وننغزها بالشوكة اذا دخلت بسهولة يبقي استوت نضيف الملح ونسيبها تاخد غلوة
ثم ننشلها من الشوربة
وبعدين للشوربة
نحمر الشعرية او لسان العصفور ونضع باكو مرقة وميه
ونسيبها تاخد غلوتين لما تستوى
نضيف لها شوربة الفراخ اللي عملناها
دى الطريقة التقليدية انتي بقي ممكن تضيفي جزر مبشور او بصل متقطع زى ما انت عايزة
انا عايزة نعرف الاول الاساسيات وبعدين حجيب لكم طرق مختلفة
يالا القمرات المبتدئات نشوف طريقة عمل الدجاج
الاول لازم نعرف ان المطبخ ده حاجة سهلة جداً وبسيطة دايما يقولوا النفس في الاكل عارفين يعني ايه لو انت متضايقة او مشغولة الاكل حيكون مش كويس انا دايما اقول ان الاكل لازم يتعمل بمزاج ونفس .
فرخة بلدى وسط
2 بصلة متوسطة
ملح / فلفل / حبهان / مستكة / ورق لورا / بهار حلو
ميه
شعرية او لسان عصفور
اول حاجة غسيل الفراخ وتنظيفها ودى مهمة جداً علشان ميبقاش فيها اى زفارة
فيه بيقولك ادعكيها بملح وفيه بيقول دقيق كل ده حلو
بس عن تجربة احسن حاجة تضيع رائحة الزفارة البصل والليمون
تجيبي الفرخة من الفرارجى هو منضفها آه بس لازم تعيدى عليها و تغسليها كويس من بره وجوه بالملح وبعدين
تجيبي بصلة كبيرة وتخرطيها وتدعكي بها الفراخ من بره وجوه وتعصرى عليها لمونتين تلاتة وحطي جواها القشر والبصل وسيبيها حوالي ساعة وممكن تعمليها بالليل وتطبخيها الصبح المهم حتلاقي ريحة الفراخ زى الفل
الطهي
ثم ملعقة سمن ونحمر فيها المستكة والحبهان
وبعدين ننزل بالميه والبهارات والفلفل
تاخد غلوه نحط الفراخ بعد ما نكون شطفناها من البصل
ونضيف بصلتين متوسطين ونسيبها تستوى
ونبص عليها كل شوية وننغزها بالشوكة اذا دخلت بسهولة يبقي استوت نضيف الملح ونسيبها تاخد غلوة
ثم ننشلها من الشوربة
وبعدين للشوربة
نحمر الشعرية او لسان العصفور ونضع باكو مرقة وميه
ونسيبها تاخد غلوتين لما تستوى
نضيف لها شوربة الفراخ اللي عملناها
دى الطريقة التقليدية انتي بقي ممكن تضيفي جزر مبشور او بصل متقطع زى ما انت عايزة
انا عايزة نعرف الاول الاساسيات وبعدين حجيب لكم طرق مختلفة
