تعرفي على طريقة عمل الفراخ فى الكيس الحرارى من وصفات الشيف فاطمة ابو حاتي »
المقادير
فرخة كاملة او اى قطع دجاج حسب الرغبة
بصل مبشور ناعم
ملح
فلفل
بهارات فراخ
قرفة
زعتر ناشف
حبهان
بابريكا
ثوم بودرة
صلصة
ورق لورى
روزمارى
خضروات مشكلة حسب الرغبة
طريقة الاعداد
هنغسل الفراخ كويس جدا بالماء والخل والملح
فى بولة هنضيف التتبيلة وملح وفلفل وبهارات فراخ وباقى التوابل
هنقلبهم كويس ونعمل فتحات فى الفراخ ونقلبها فى التتبيلة كويس وندخل التتبيلة فى كل الفتحات اللى عملناها عشان الفراخ تتشرب التتبيلة كويس
هنسيب الفراخ فى التتبيلة على الاقل ساعتين ويفضل ليلة كاملة
فى كيس حرارى حجمه مناسب لكمية الفراخ هنضيف الفراخ ومعاها اى خضروات زى حلقات البطاطس والبصل وممكن كوسة وجزر وطماطم او اى نوع خضار
هنطلع كل الهوا اللى فى الكيس ونربط الكيس من فوق شوية بحيث نسيب مساحة لانتفاخ الكيس فى الفرن ونعمل فتحات فى الكيس
نضع الكيس الحرارى فى صينية وندخله فرن سخن على حرارة 200 لمدة ساعة