تعالوا ندخل مطابخ بعض ونشوف بنطبخ ازاي - مريومة احمد

[مريومة احمد]

طبعا يا عدولات فية اكلات وانواع طبيخ كلتا بتعملها زى صينبة الكوسة بالحمة والبسلة والبامية وغيرهم بس اكيد كل واحدة فينا ليها طريقة فى الطبخ مختلفة عن الثانية فا اية رايكم نتعرف على طرق بعض عشان نوصل للطريقة الى نوصلنا لاحلى طعم وانا هبتدى بحاجة بحبهاوهى البسلة
اتفضلوا معايا نوروا مطبخى
انا بحط مع البسلة جزر بجيب بصلة وابشرها واحطها فى صينية مع قطعة سمنة او زيت وادبل البصلة بس واحط البسلة والجزر مع البصلة مع التوابل والقبهم واسبهم شوية مع البصلة يعنى يتشوحوا معاها




بكون مجهز عصير الطماطم الى هاحتاجة واحطه على البسلة واسيب الطماطم تتسبك مع البسلة بعد كدة بازود البسلة شوية شوربة واسبها تغلى وبعدين باخدها واحطها فى الفرن تكمل سواها ولو عايزة احط لحمه معاها بشوحها معاها بردة وساعات بكمل سواها على البوتوجاز بس فى الفرن طبعا بتبقى خطيرة المهم الطريقة دى بتخلى طعم البسلة وهيب دى طريقتى لو حد بيعملها بطريقة تانبة يقولنا ويخادنا معاه مطبخة او يطبخلنا اى حاجة ثانية