مساا الفل عليكم يا اجمل عدولات طبعا كلكم مستنين الاكلة بتاعة انهادة عااااااااااااا تكالى عليك يارب
وامرى الى الله
هنبدا باسهل حاجة خالص
فراخ مسلوقة ورز بالشعرية وملوخية
حاجة سهلة جدا يعنى
بصى يا قطة انتى وهى تجيبى الفرخة حسب الورزن الى تفضليه
انا عن نفسى بستخدم فرخة وزنهاميزدش عن 1750
حلو كده علشان ميكنش فيها دهن كتير
وتجيبها وتجبى 2ليمونة ودقيق فى طبق وخل وملح
تمسكى الفرخة وتفركيها بالمون من جوا وبره
تمام كده
بعد كده اشطفيها حلو
وبالملح كمان تفركيها واهم اماكن تحت الجناحات
وتشطفيها حلو برده وبالدقيق بقا من جوا وبرا تخليها حلوة
بعد ده كله انقعيها فى مية وخل
تكونى محضرة حلتين
حلة فيها ميا وتسيبها تغلى حلو
والتانية حلة فيها بقا عودين بقدونس وعودين كرفس
ورقتين لورا
وفلفل اسود صحيح وبصلتين متقطيع اربع
و2طماطم برده
و4حبيات حبهان وكله فى الحلة وسيبهم يغلو
حطى الفرخة فى الحلة الاولانية علشان تشيل زفارتها
لحد ما الحلة التانية الى فيها كل المكونات تغلى حطى الفرخة بعد ما تشليها وتصفيها حلو
تابعونى هكمل